Xəbərlər

İsveçrənin "Victorinox" şirkəti 1 terabayt tutuma malik SSD fləş-yaddaşı olan cib bıçağı təqdim edib. Kompyuterə USB 3.0 və eSATA interfeysləri vasitəsilə qoşulan qurğudan həm bıçaq, həm də fləş-yaddaş kimi istifadə etmək olacaq. melamata görə, 2012-ci ilin aprel ayında satışa çıxarılacaq bıçağın qiyməti 2000 dollardan başlayacaq. 








Mikroçip 5 ildən sonra Uillouya evə qayıtmağa kömək etdi
5 il bundan əvvəl ABŞ-ın Bolder şəhərində (Kolorado ştatı) itkin düşmüş Uillou adında pişiyi onun dərisi altında yerləşdirilmiş mikroçip vasitəsilə tapmaq mümkün olub. Heyvanlara nəzarət təşkilatının əməkdaşları mikroçipi Uillounu müayinə edərkən aşkar ediblər.

“Computerworld” jurnalının məlumatına görə, Nyu-Yorkda tapılan pişiyin sahiblərini çipdə yerləşdirilmiş informasiya əsasında tapmaq mümkün olub. 




                                               Tomskda superkompyuter kompleksinin təqdimatı keçirilib
Tomsk Dövlət Universitetində (TDU) superkompyuter informasiya-hesablama kompleksinin təqdimatı keçirilib. Kompleksə SKİF Cyberia superkompyuteri, Verilənlərin Emalı Mərkəzi və TDU Tomsk regional teleportu daxildir. Kollektiv istifadə üçün nəzərdə tutulmuş bu müasir elm-təhsil mərkəzi Tomsk vilayəti və Sibirin müxtəlif iqtisadi sahələrinin tələbatını ödəyəcək. 

“Открытые системы” jurnalının məlumatına görə, mərkəz atmosfer və hidrosferin kompleks ekoloji monitorinqini, çayların daşqınına, yanğın və epidemiyaların yayılmasına, meşə və mineral resurslardan səmərəli istifadəyə nəzarəti, neft-qaz yataqlarının kəşfiyyatı ilə bağlı yeni rəqabətədavamlı metodları, çirklənmiş torpaqların bərpasını, raket-kosmik texnikasının və təhlükəsiz mədən avadanlığının layihələndirilməsini, nanotexnologiyalar vasitəsilə yeni növ raket yanacağının yaradılmasını həyata keçirməyə imkan verəcək